Аудиокнига 'Слово о полку Игореве'

Самая свежая информация pr у нас на сайте.
Поиск       Главная > Варианты текстов > Екатерининская копия > Екатерининская копия. Часть 3
 

Слово о Полку Игореве, Екатерининская копия. Страница третья


1-2-3-4-5-6-7-8

ту ся копіемъ приламати,
ту ся саблямъ потручати о шеломы
Половецкыя, на рeцe наКаялe, у
Дону великого. О Руская земле! уже
не шеломянемъ еси. Се вeтри, Стрибожи
внуци, вeютъ съ моря стрелами
на храбрыя полки Игоревы! земля
тутнетъ; рeкы мутно текутъ;
пороси поля прикрывають; стязи
глаголютъ; Половци идуть отъ
Дона, и от моря, и отъ всeхъ странъ.
Рускыя полки отступиша. Дeти
Бeсови кликомъ поля прегородиша,
а храбріи Русици преградиша чръвле
ными щиты. Яръ туре всеволоде!
стоиши наборони, прыщеши на вои
стрелами, гремлеши о шеломы мечи
харалужными. Камо туръ поскочаше,
своимъ златымь шеломом
посвeчивая, тамо лежать поганыя
головы Половецкыя; поскепаны
саблями калеными шеломы оварьскыя
отъ тебе яръ Туре всеволоде.
Кая раны дорога братіе, забывь
чти иживота, и града Чернигова,
отня злата стола, и своя милыя
хоти красныя Глeбовны свычая
и обычая? Были вeчи Трояни, минула
лeта Ярославля; были Полци Олговы,
Олга Святъ славлича. Той бо Олегъ
мечемь крамолу коваше, и стрелы по
земли сeяше. Ступаетъ въ златъ
стремень въ градe Тмутороканe.
То же звонъ слыша давный великый
Ярославь сынъ всеволожъ: а владиміръ
по вся утра уши закладаше въ Черниговe;
Борисаже вячеславлича слава
на судъ приведе, и на канину зелену па
полому постла, за обиду Олгову храбра
и млада Князя. Съ тояже Каялы
Святополкъ повелeя отца своего междю
Угорьскими иноходцы ко святeй
Софіи къ Кіеву. Тогда при Олзe
Гориславличи сeяшется ирастяшеть
усобицами; погыбашеть жизнь Даждь-Божа
внука, въ княжихъ крамолахъ
вeци человeкомъ скратишась. тогда
по Руской земли рeтко ратаевe
кикахуть, нъ часто врани граяхуть,
трупіа себe дeляче; а Галици свою
рeчь говоряхуть, хотять полeтeти
на уедіе. То было въ ты рати, и
въ ты полкы; а сице и рати не слышано,
съ зараніа до вечера, съвечера
до свeта летять стрелы каленыя;
гримлють сабли о шеломы: трещать
копіа харалужныя: въ полe незнаемe,
среди земли Половецкыи, черна земля
подъ копыты костьми была посeяна,
а кровію польяна. Тугою взыдоша
по Руской земли. Что ми шумить,
что ми звенить давеча рано предъ
зорями? Игорь полкы заворочаеть;

1-2-3-4-5-6-7-8




 

Перепечатка и использование материалов допускается с условием размещения ссылки Сайт о произведении "Слово о полку Игореве".