Аудиокнига 'Слово о полку Игореве'

 

Слово о погибели Рускыя земли и по смерти великого князя Ярослава


О светло светлая и украсно украшена земля Руськая! И многыми красотами удивлена еси: озеры многыми удивлена еси, реками и кладязьми месточестьными, горами крутыми, холми высокыми, дубравоми частыми, польми дивными, зверьми разноличными2, птицами бещислеными, городы великыми, селы дивными, винограды обителными, домы церковьными, и князьми грозными, бояры честными, вельможами многами. Всего еси испольнена земля Руская, о прававерьная вера хрестияньская!

Отселе до Угоръ и до Ляховъ, до Чаховъ, от Чаховъ до Ятвязи и от Ятвязи до Литвы, до Немець, от Немець до Корелы, от Корелы до Устьюга, где тамо бяху тоимици погании, и за Дышючимъ моремъ; от моря до Болгаръ, от Болгарь до Буртасъ, от Буртасъ до Чермисъ, от Чермисъ до Моръдви, — то все покорено было богомъ крестияньскому языку, поганьскыя страны, великому князю Всеволоду, отцю его Юрью, князю Кыевьскому, деду его Володимеру и Манамаху3, которымъ то половьци4 дети своя полошаху5 в колыбели. А литва из болота на светъ не выникываху, а угры твердяху каменыи горы6 железными вороты, а бы на них великыи Володимеръ тамо не възехалъ7, а немци радовахуся, далече будуче за синимъ моремъ. Буртаси, черемиси, вяда и моръдва бортьничаху на князя великого Володимера. И кюръ8 Мануилъ Цесарегородскыи опасъ имея, поне и великыя дары посылаша к нему, а бы под нимъ великыи князь Володимеръ Цесарягорода не взял.

А в ты дни болезнь крестияномъ от великаго Ярослава и до Володимера, и до ныняшняго Ярослава, и до брата его Юрья, князя Володимерьскаго.


1 За основу текста взят список «Слова о погибели Рускыя земли» Псково-Печерского монастыря (П), хранящийся в настоящее время в Гос. архиве Псковской области. При внесении в этот список исправлений и изменений учитывались чтения списка «Слова о погибели» из рукописного отдела Пушкинского Дома в Ленинграде (Л) и реконструкции текста «Слова о погибели» Н. А. Мещерского и Ю. К. Бегунова.
2 В П — разлычными, в Л — различными; конъектура Н. А. Мещерского.
3 В П — Манаху, в Л — первоначальное написание Манаху исправлено писцом на — Манамаху.
4 В П — половоци, в Л — половицы.
5 В П и Л — ношаху; конъектура А. В. Соловьева.
6 В П и Л — городы; конъектура А. В. Соловьева.
7 В. П. — вьсехалъ, в Л — вьехал; конъектура Ю. К. Бегунова.
8 В П — жюръ; в Л — первоначально было жюр, а затем это и следующее слово были переправлены писцом на — иже Рамануилъ.


Слово о погибели Русской земли. Пер. Л. А. Дмитриева, Д. С. Лихачева, О. В. Творогова. Слово о полку Игореве. — Л.: Сов. писатель. Ленингр. отд-ние, 1967. — С. 360—362.




 

Перепечатка и использование материалов допускается с условием размещения ссылки Сайт о произведении "Слово о полку Игореве".