|
въ полe безводнe жаждею имь лучи съ пряже,
тугою имъ тули затче. Прысну море полу
нощи; идуть сморци мьглами; Игореви Князю
Богъ путь кажетъ изъ земли Половецкой на
землю Рускую, къ отню злату столу. Погасоша
вечеру зари: Игорь спить, Игорь бдить,
Игорь мыслію поля мeрить отъ великого
Дону до малаго Донца. Комонь въ полуночи
Овлуръ свисну зарeкою; велить князю разумeти.
князю Игорю небыть: кликну стукну
земля; въ шумe трава, вежи ся Половецкіи
подвизашася; а Игорь князь по скачи горностаемъ
къ тростію, и бeлымъ гоголемъ наводу;
въ вер жеся на борзъ комонь, и скочи съ него босы(м)ъ
волкомъ, и потече къ лугу Донца, и полетe
соколомъ под мглами из бивая гуси и лебеди,
завтроку и обeду и ужинe. Коли Игорь сокол(ом)ъ
полетe, тогда влуръ волкомъ потече, труся
собою студеную росу; претръ госта бо своя
борзая комоня. Донець рече: КняжеИгорю!
немало тивеличія, а Кончаку нелюбія, а
Руской земли веселіа. Игорь рече, о Донче!
немало ти величія, лелe явшу Князя на
волнахъ, стлавшу ему зелену траву насвои(х) ъ
сребре ныхъ брезeхъ, одeвав шу его теплыми
мглами подъ сeнію зелену древу; стрежаше е гоголемъ
наводe, чайцами на струяхъ, чрьнядьми
навeтрeхъ. Нетако ли, рече, рeка Стугна
худу струю имeя, пожръ ши чужи ручьи, и
стругы ростре на кусту? Уношу князю Ростиславу
затвори Днeпрь темнe бер езe.
Плачется матиРостиславля по Уноши Князи
Ростиславe. Уныша цвeты жалобою, и древо
стугою къ земли преклонило, анесорокы
втроскоташа. Наслeду Игоревe eздить
Гзакъ съ Кончакомъ. Тогда врани не гра ахуть,
Галици помолкоша, сорокы не троскоташа,
по лозію ползаша толко, Дятлове
тектомъ путь кърeцe кажуть, соловіи веселы
ми пeсньми свeтъ повeдаютъ. Молвить
Гзакъ Кончакови: аже соколъ къ гнeзду летит
соколича рострeля — евe своими злачеными
стрелами. Речь Кончакъ ко Гзe: аже соколъ
къ гнeзду летить, а вe соколца опутаевe
красною дeвицею. И рекъ Гзакъ къ Кончакови:
аще его опута евe красноюДeвицею,
ни нама будетъ сокольца, ни нама красны
дeвице, то почнутъ на ю птици бити
въ полe Половецкомъ. Рекъ Боянъ, и ходы
на Святъ славля пeсно творца стараговремени
Яро славля Ольгова коганя хоти.
Тяжко ти головы кромe плечю, зло ти тeлу кромe
Головы Руской земли безъ Игоря. Солнце свeтится на
небесе, Игорь князь въ руской земли. Дeвици поютъ
на Дунаи. вьются голоси чресъ море до Кіева, Игорь
eдетъ по Боричеву къ святeй Богородици, пирогощей
страныради, гради весели, пeвше
пe снь старымъ княземь, а потомъ молоды(м)ъ
пeти слава Игорю Святъ славличь.
Буй туру всеволоде владиміру Игоревичь,
здрави князи идружина, побарая
за христь аны, напоганыя полки
княземъ слава, адружинe аминь. |