|
Унышабо градомъ забралы, а веселіе
пониче. А Святъ славъ мутенъ сон
виде: въ Кіевe на горахъ си ночь
съ вечера одeвахъ те мя, рече, черною
паполомою, на кровати тисовe.
Чръпахуть ми синее вино съ трудом
смeшено; сыпахуть ми тъщими
тулы поганыхъ тлъковинъ великый
женчюгь на лоно, и нeгують мя;
Ужедъ скы безъ кнeса въ моемъ теремe
златовръ семъ, всю нощь съвечера
бо — суви, врани възграяху. У
Плeнь ска на болони, бeша дебрь
кисаню, и не сошлю къ синему морю.
И ркоша бояреКнязю: ужеКняже
туга умь полонила; се бо два сокола
слетeста съ отня стола злата,
поискати града Тмутороканя,
а любо испити шеломомь
Дону. Уже соколома крилца припeшали
поганыхъ саблями, а самого
опуташа въ путины желeзны.
Темно бо бe въ 3и день: два солнца померкоста,
оба багряная стлъпа погасоста,
и сь нимъ молодая мe сяца, Олегъ
и Святъ славъ тмою ся пово ло коста.
Нарeцe на Каялe тьма свeтъ покрыла:
по Руской земли про строшася Половци,
акы пардуже гнeздо, ивъ морe
погрузиста, и великое буйство подасть
Хинови. Уже снесеся хула нахвалу;
уже тресну нужда на волю; уже връ жеса
Дивъ на землю. Се бо Готьскыя красныя
дeвы въ спeша на брезe синему морю,
звоня Рускымъ златом: поють время
Бусово, лелeютъ месть Шароканю.
А мы уже дружина жадни веселіа.
Тогда великый Святъ славъ изрони злато
слово слезами смeшено, ирече: О моя
сыновча Игорю, и всеволоде! рано еста
начала Половецкую землю мечи цвeлити,
а себе славы искати. Нъ нечестно
о долeсте: нечестно бо кровь
поганую прольясте. ваю храбрая
сердца въ жестоцeмъ Харалузe скована,
а въ буести закалена. Се ли створисте
моей сребреней сeдинe? А уже
невижду власти сильнаго, и богатаго
и много вои брата моего Ярослава
съ Черниговьскими былями, съ Могуты
и съ Татраны, и съ Шелъбиры, и съ
Топчакы, исъ Ревугы, и съ Олбeры.
Тіи бо бесъ щитовъ съ засапожникы
кликомъ полкы побeждають, звонячи
в прадeднюю славу. Нъ рекосте мужа
имe ся сами преднюю славу сами похытимь,
а заднюю ся сами по дeлимь.
А чи диво ся братіе стару помолодити?
Коли соколъ въ мытeхъ бываеть, высоко
птиць възбиваеть; недасть гнeзда своего
въ обиду. Нъ се зло княже ми не пособіе; |