Слово о великом князе Дмитрее Ивановиче и о брате его князе Владимере Андреевиче, яко победили супостата своего царя Мамая. Страница 6
1-2-3-4-5-6
Уже бо по Руской земле простреся веселие и буйство. Вознесеся1 слава руская2 на поганых хулу3. Уже бо вержено Диво на землю4. И уже грозы великаго князя Дмитрея Ивановича и брата его князя Владимера Андреевича по всем землям текут5.6 Стреляй, князь великый, по всемъ землям, стреляй, князь великый, с своею храброю дружиною поганого Мамая хиновина за землю Рускую, за веру христьяньскую7. Уже поганые оружия своя повергоша8, а главы своя подклониша под мечи руские. И трубы их не трубят, и уныша гласи их.
И отскочи9 поганый Мамай от своея дружины серым волком10, и притече к Кафе11 граду. Молвяше же ему фрязове: «Чему ты, поганый Мамай, посягаешь на Рускую землю? То тя била орда Залеская. А не бывати тобе в Батыя царя. У Батыя царя было четыреста тысящь окованые рати, а воевал всю Рускую землю от востока и до запада. А казнил богъ Рускую землю за своя согрешения. И ты пришел на Рускую землю, царь Мамай, со многими силами, з девятью ордами и 70 князями. А ныне ты, поганый, бежишь самдевят в лукоморье, не с кем тебе зимы зимовати в поле. Нешто тобя князи руские горазно подчивали, ни князей с тобою, ни воевод! Нечто гораздо упилися у быстрого Дону на поле Куликове на траве ковыле! Побежи ты, поганый Момай, от насъ12 по задлешью13». 14 Уподобилася еси земля Руская милому младенцу у матери своей: его же мати тешить, а рать лозою казнит, а добрая дела милують его15. Тако господь богъ помиловал князей руских, великого князя Дмитрея Ивановича и брата его князя Владимера Андреевича меж Дона и Непра,16 на поле Куликове, на речки Непрядве17.
И стал великий князь Дмитрей Ивановичь сь своим братом с князем Владимером Андреевичем и со остальными своими воеводами на костехъ на поле Куликове на речьке Непрядве18. Грозно бо и жалосно, брате, в то время посмотрети, иже лежат трупи крестьяньские19 аки сенныи стоги20 у Дона21 великого на брезе, а Дон река три дни кровию текла. И рече князь великий Дмитрей Ивановичь: «Считайтеся, братия, колько у нас воевод нет и колько молодых людей нет». Тогды говорит22 Михайло Александровичь московский боярин князю Дмитрею Ивановичю: «Господине23 князь великий Дмитрей Ивановичь, нету, государь, у нас 40 бояринов московских, 12 князей белозерьских, 30 новгородских посадников, 20 бояринов коломенских, 40 бояр серпуховскихъ, 30 панов литовскихъ, 20 бояр переславских, 25 бояр костромских, 35 бояр володимеровских, 5024 бояръ суздалских, 40 бояръ муромских, 70 бояр резаньских, 34 бояринов ростовских, 23 бояр дмитровских, 60 бояр можайских, 30 бояр звенигородских, 15 бояр углецкихъ. А посечено от безбожнаго Мамая полтретья ста тысящь и три тысечи.25 И помилова богъ Рускую землю, а татаръ пало безчислено многое множество26. И рече князь великий Дмитрей Ивановичь: «Братия, бояра и князи, и дети боярские, то вам сужено место меж Доном и Непром, на поле Куликове на речке Непрядве27. И положили есте головы своя28 за землю за Рускую и за веру крестьяньскую. Простите мя, братия, и благословите в сем веце и в будущем. И пойдем, брате, князь Владимер Андреевичь, во свою Залескую землю к славному граду Москве и сядем, брате, на своем княжение, а чести есми, брате, добыли и славного имени. Богу нашему слава».
1 Так в И-2; в И-1 — възнесеся; в У — воснесеся.
2 Так в И-1; в У: по всей земли, а на поганых татар промчеся злых бусорманов хула и пагуба.
3 Так в И-1; в У: по всей земли, а на поганых татар промчеся злых бусорманов хула и пагуба.
4 Так в И-1; в У — земли.
5 Так в И-1; в У — текут грозы; в С — нет.
6 Так в И-1; в У: И князь великий своею храбростию и дружиною Мамая поганого побил за землю за Рускую и за веру крещеную.
7 Так в И-1; в У: И князь великий своею храбростию и дружиною Мамая поганого побил за землю за Рускую и за веру крещеную.
8 В У доб. — на землю; в И-1 — нет.
9 Так в И-1; в У — отскоча.
10 В У доб. — взвыл; в И-1 — нет.
11 Так в С; в И-1 — Кафы; в У — Хафесте.
12 Так в И-1; в У: по заденеш и нам от земли Руской.
13 Так в И-1; в У: по заденеш и нам от земли Руской.
14 В У: Уподобился еси милому младенцу у матери своей; в И-1: Намъ земля подобна есть Руская милому младенцу умрети, его же мати тешить, а рать лозою казнит, а добрая дела милують его; в С — нет.
15 В У: Уподобился еси милому младенцу у матери своей; в И-1: Намъ земля подобна есть Руская милому младенцу умрети, его же мати тешить, а рать лозою казнит, а добрая дела милують его; в С — нет.
16 В И-1: на поле Куликове, на речки Направде; в У — нет.
17 В И-1: на поле Куликове, на речки Направде; в У — нет.
18 В У — Напряде.
19 Так в И-1; в У — нет.
20 Так в И-1; в У — нет.
21 В У — Дуная.
22 В У доб. — стоя.
23 Так в И-1; в У — государь.
24 Так в И-1; в У — 8.
25 Так в И-1; в У: Слава тебе, господи боже нашь, помиловалъ насъ.
26 Так в И-1; в У: Слава тебе, господи боже нашь, помиловалъ насъ.
27 В У — Напряде; в И-1 — Направде.
28 В У доб. — за святыя церькви; в И-1 — нет.
1-2-3-4-5-6